جوزي رد:
— وأنا من البداية ماكنتش عارف إنك بتق/تلي الناس.
سكت الجميع.
حتى أنا.
بصيتله.
— إيه؟
قالت أمه بسخرية:
— هتصدقيله التمثيلية دي؟
جوزي بصلي.
— أنا كنت عارف إن فيه تجارة أعضاء.
قلبي اتقبض.
كمل:
— وكنت بساعدهم.
قلت:
— يعني التسجيل حقيقي.
نزل عينه.
— أيوه.
— وكنت هتبيعني؟
رفع عينه بسرعة.
— في البداية… أيوه.
الجملة نزلت عليا أتقل من أي حاجة سمعتها.
حتى وهو بيحاول يشرح، الحقيقة فضلت حقيقة.
الراجل اللي كنت مستعدة أديه كُليتي…
كان مستعد يسلمني علشان الفلوس.
قال:
— لكن مكنتش أعرف إنهم بيق/تلوا الضحايا.
ضحكت وأنا بعيط.
— وكنت فاكر إنهم بياخدوا الأعضاء إزاي؟ بيطلبوها بأدب؟
سكت.
مكنش عنده إجابة.
قلت:
— أنت مش ضحية.
— عارف.
— أنت واحد منهم.
قال:
— عارف.
أمه صرخت:
— بطل تمثيل!
لكن جوزي ما بصش لها.
فضل باصصلي.
قال:
— لما عرفت إنهم عايزين قلبك، حاولت ألغي كل حاجة.
سبتمبر 23, 2026
0 2٬599 7 دقائق
