حكايات زهره 1

رفعت رأسي وطلعت في رجب وقلت له بصوت مهدود: “مين الأربعة دول يا رجب؟ شفت وجوههم؟ تعرف حد منهم؟”

رجب قرب مني أكثر، وتوطى وقال بصوت خفيض جداً كأنه خايف حد يسمعه: “ما شفتش وجوههم كلهم عشان كانوا متلثمين… بس واحد منهم وهما طالعين يجرو، الشال بتاعه اتفك ووقع منه على الأرض… وأنا شفت وشه تحت نور القمر… واحد من كبارات البلد اللي كانوا واقفين معاك الصبح وبيواسك ويقولولك ‘اتعوذ من الشيطان وما تفتحش القبر’!”

وقعت الكلمة عليا زي الصاعقة التي شقت قلبي نصين… “حد من اللي كانوا معايا الصبح؟!”

قبل ما ألحق أسأله عن اسمه أو أتحرك من مكاني، فجأة… أضاءت كشافات تقيلة وقوية جداً ناحية مدخل المقابر، وصوت سرينة عربيات الشرطة ضرب في المكان كله، وأصوات رجالة كتير بتجري وبتصرخ: “احصروا المقابر كلها! محدش يتحرك من مكانه!”